2015 جىلعى 19 جەلتوقسان, الماتى قالاسى
«ەكىنشى دەڭگەيدەگى بانكتەردىڭ ديناميكالىق رەزەرۆتى قالىپتاستىرۋ قاعيدالارىن بەكىتۋ جانە ديناميكالىق رەزەرۆتىڭ ەڭ از مولشەرىن, كۇتىلەتىن شىعىنداردىڭ مولشەرىن بەلگىلەۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2013 جىلعى 27 مامىرداعى №137 قاۋلىسىنا وزگەرىستەر مەن تولىقتىرۋ ەنگىزۋ تۋرالى
قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن جەتىلدىرۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى:
1. «ەكىنشى دەڭگەيدەگى بانكتەردىڭ ديناميكالىق رەزەرۆتى قالىپتاستىرۋ قاعيدالارىن بەكىتۋ جانە ديناميكالىق رەزەرۆتىڭ ەڭ از مولشەرىن, كۇتىلەتىن شىعىنداردىڭ مولشەرىن بەلگىلەۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2013 جىلعى 27 مامىرداعى № 137 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8591 تىركەلگەن, 2013 جىلعى 6 قىركۇيەكتە «زاڭ گازەتى» گازەتىندە № 134 (2335) جاريالانعان) مىناداي وزگەرىستەر مەن تولىقتىرۋ ەنگىزىلسىن:
تاقىرىبى مىناداي رەداكتسيادا جازىلسىن:
«ەكىنشى دەڭگەيدەگى بانكتەردىڭ ديناميكالىق رەزەرۆتى قالىپتاستىرۋ قاعيدالارىن بەكىتۋ جانە ديناميكالىق رەزەرۆتىڭ ەڭ تومەن مولشەرىن, كۇتىلەتىن شىعىنداردىڭ مولشەرىن بەلگىلەۋ تۋرالى»;
2-تارماق مىناداي رەداكتسيادا جازىلسىن:
«2. ديناميكالىق رەزەرۆتىڭ ەڭ تومەن مولشەرى قاعيدالاردىڭ 2-تارماعىنا سايكەس جانە كۇتىلەتىن شىعىنداردىڭ مولشەرى قاعيدالاردىڭ 3-تارماعىنا سايكەس بەلگىلەنسىن.»;
كورسەتىلگەن قاۋلىمەن بەكىتىلگەن ەكىنشى دەڭگەيدەگى بانكتەردىڭ ديناميكالىق رەزەرۆتى قالىپتاستىرۋ قاعيدالارىندا (بۇدان ءارى - قاعيدالار):
2-تارماق مىناداي رەداكتسيادا جازىلسىن:
«2. قاعيدالاردىڭ 2-2-تارماعىندا وزگەسى بەلگىلەنبەسە, ەسەپتى توقسان سوڭىنداعى ديناميكالىق رەزەرۆتىڭ مولشەرى مىناداي فورمۋلا بويىنشا ەسەپتەلەدى:
درس = درس-1 + (كش - اپش),
مۇنداعى:
درس - ەسەپتى توقساننىڭ سوڭىنداعى ديناميكالىق رەزەرۆ;
درس-1 - الدىڭعى ەسەپتى توقساننىڭ سوڭىنداعى ديناميكالىق رەزەرۆ. 2013 جىلعى 1 قاڭتارداعى جاعداي بويىنشا ديناميكالىق رەزەرۆ نولگە تەڭ;
كش - ەسەپتى توقسانداعى كۇتىلەتىن شىعىندار;
اپش - «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى (سالىق كودەكسى)» قازاقستان رەسپۋبليكاسىنىڭ كودەكسى 106-بابىنىڭ 1-تارماعىنا سايكەس شەگەرىمگە جاتقىزىلعان, رەزەرۆتەردى قالپىنا كەلتىرۋدەن تۇسكەن كىرىستەردى شەگەرگەندەگى ەسەپتى توقسانداعى رەزەرۆتەرگە اسسيگناتسيالاۋ.
رەزەرۆتەرگە اسسيگناتسيالاۋ - حالىقارالىق قارجىلىق ەسەپتىلىك ستاندارتتارىنا سايكەس قارىزدارعا رەزەرۆتەر قۇرۋعا ارنالعان شىعىستار.
رەزەرۆتەردى قالپىنا كەلتىرۋدەن تۇسكەن كىرىستەر - رەزەرۆتەردىڭ ازايۋى قارىزدى بالانستان ەسەپتەن شىعارۋ ناتيجەسىندە بولاتىن جاعدايدا قوسپاعاندا, قارىزدارعا بۇرىن قۇرىلعان رەزەرۆتەر سوماسىنىڭ ازايۋى ناتيجەسىندە تۋىنداعان كىرىس.
سالىق سالۋ ماقساتتارى ءۇشىن ديناميكالىق رەزەرۆتىڭ مولشەرى ەسەپتى سالىق كەزەڭىنىڭ سوڭىندا ايقىندالعان ديناميكالىق رەزەرۆتىڭ مولشەرى مەن الدىڭعى سالىق كەزەڭىنىڭ سوڭىندا ايقىندالعان ديناميكالىق رەزەرۆتىڭ مولشەرى اراسىنداعى وڭ ايىرما رەتىندە ايقىندالادى.
ديناميكالىق رەزەرۆتىڭ ەڭ تومەن مولشەرى نولدەن كەم بولمايدى.»;
مىناداي مازمۇنداعى 2-2-تارماقپەن تولىقتىرىلسىن:
«2-2. ديناميكالىق رەزەرۆتىڭ مولشەرى بىلايشا ايقىندالادى:
1) 2014 جىلعى ءبىرىنشى, ەكىنشى, ءۇشىنشى, ءتورتىنشى توقسان سوڭىنداعى ديناميكالىق رەزەرۆ قاعيدالاردىڭ 2-تارماعىنا سايكەس فورمۋلا بويىنشا ەسەپتەلگەن 2013 جىلعى ءتورتىنشى توقساننىڭ سوڭىنداعى ديناميكالىق رەزەرۆ مولشەرىندە ايقىندالادى.
2014 جىلعى ءتورتىنشى توقساننىڭ سوڭىنداعى ديناميكالىق رەزەرۆتى ەسەپتەۋ ماقساتتارى ءۇشىن قاعيدالاردىڭ 2-تارماعىنا سايكەس ايقىندالعان اپش كورسەتكىشىنىڭ ءمانى 2013 جىلعى ءبىرىنشى, ەكىنشى, ءۇشىنشى, ءتورتىنشى توقسان سوڭىنداعى ديناميكالىق رەزەرۆتى ەسەپتەۋ كەزىندە ەگەر اپش-تىڭ ءمانى تەرىس بولعان جاعدايدا, نولگە تەڭ بولىپ تانىلادى;
2) 2015 جىلعى ءبىرىنشى, ەكىنشى, ءۇشىنشى, ءتورتىنشى توقسان سوڭىنداعى ديناميكالىق رەزەرۆ وسى تارماقتىڭ 1) تارماقشاسىنا سايكەس ەسەپتەلگەن 2014 جىلعى ءتورتىنشى توقساننىڭ سوڭىنداعى ديناميكالىق رەزەرۆ مولشەرىندە ايقىندالادى;
3) 2016 جىلعى ءبىرىنشى, ەكىنشى, ءۇشىنشى, ءتورتىنشى توقسان سوڭىنداعى ديناميكالىق رەزەرۆ وسى تارماقتىڭ 2) تارماقشاسىنا سايكەس ەسەپتەلگەن 2015 جىلعى ءتورتىنشى توقساننىڭ سوڭىنداعى ديناميكالىق رەزەرۆ مولشەرىندە ايقىندالادى.».
2. باقىلاۋ جانە قاداعالاۋ ءادىسناماسى دەپارتامەنتى ء(ابدىراحمانوۆ ن.ا.) قازاقستان رەسپۋبليكاسىنىڭ زاڭنامادا بەلگىلەنگەن تارتىپپەن:
1) قۇقىقتىق قامتاماسىز ەتۋ دەپارتامەنتىمەن (دوسمۇحامبەتوۆ ن.م.) بىرلەسىپ وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى;
2) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى قاۋلى رەسمي جاريالانعاننان كەيىن ونى قازاقستان رەسپۋبليكاسى ۇلتتىق بانكىنىڭ رەسمي ينتەرنەت-رەسۋرسىنا ورنالاستىرۋدى قامتاماسىز ەتسىن.
3. حالىقارالىق قاتىناستار جانە جۇرتشىلىقپەن بايلانىس دەپارتامەنتى (قازىباەۆ ا.ق.) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا رەسمي جاريالاۋعا جىبەرۋدى قامتاماسىز ەتسىن.
4. وسى قاۋلىنىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى و.ا. سمولياكوۆقا جۇكتەلسىن.
5. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى جانە 2016 جىلعى 1 قاڭتاردان باستاپ تۋىنداعان قاتىناستارعا قولدانىلادى.
وسى قاۋلىنىڭ 1-تارماعىنىڭ سەگىزىنشى, ون سەگىزىنشى – جيىرما ءۇشىنشى ابزاتستارى 2017 جىلعى 1 قاڭتارعا دەيىن قولدانىلادى.
قاعيدالاردىڭ 2-تارماعى ءبىرىنشى بولىگىنىڭ ءبىرىنشى ابزاتسى 2017 جىلعى 1 قاڭتاردان باستاپ مىناداي رەداكتسيادا جازىلسىن:
«2. ەسەپتى توقسان سوڭىنداعى ديناميكالىق رەزەرۆتىڭ مولشەرى مىناداي فورمۋلا بويىنشا ەسەپتەلەدى:».
ۇلتتىق بانك توراعاسى د.اقىشەۆ
«كەلىسىلدى»
قازاقستان رەسپۋبليكاسىنىڭ قارجى مينيسترلىگى
ب. سۇلتانوۆ _______________
2015 جىلعى 31 جەلتوقسان
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 3 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13000 بولىپ ەنگىزىلدى.